Mi subtenas la eldirojn de Elisabeth. Krome ankau en TEJO-tutmonde aperis artikolo, kiu kritikis tiun cxi dividon de vintra Esperantujo. Du danoj cxijare ecx veturis de IS al AS por povi gxui ambau renkontigxojn. La homoj, kiuj esprimis sxategon de la skismo estis ial nevideblaj.

Kelkaj homoj eble ankau ne vidas la organizajn problemojn de malgranda IS. Krom la tiala bugxeta deficito (proksimume 1000 EUR), en malgrandaj junulargastejoj, kiuj tauxgas por tiom malgranda partoprenantaro, ankau malabundas seminariejoj, oni ne povas inviti tiom da famaj artistoj, cxar ne eblas financi ilian alvojagxon ktp. Ne indas organizi tuttagan ekskurson en malgranda IS, cxar tiam la IS-ejo tute malplenas kaj programeroj havas maltro da auxskultantoj.

Malgranda IS ne estas kiel granda IS sed kun malpli da partoprenantoj. Malgranda IS estas tute alia IS.

La cxefa tasko de la organizantoj estas nun trovi la ecojn de la IS, kiuj placxas al la partoprenantoj kaj mankas en AS. Andi nomis jam kelkajn, sed indas eble pli sisteme tion esplori, ekzemple per reta enketo.

Kaj kiel Elisabeth diris, la JES ne nepre devas cxiam okazi en Pollando. Por unua sperto tio tamen certe tauxgas, cxar la ejo en Zakopane estas pruvita kaj malfacilas taksi nun, kiom da homoj venos al JES. Sed eble la junulargastejo en Dresden povas esti tauxga ejo (eble tro granda), aux ecx tiu de Naumburg (eble tro malgranda).

Se iu volas sxangxi ion, necesas simple aktivigxi. La estraro de GEJ certe ne faras tiujn aferojn por gxeni vin, sed simple cxar estas lau gxia takso la plej bona dauxrigo. Estas iomete kiel en trajno: Vi nur povas sxangxi la direkton, se vi sidas en la lokomotivo. Kunveturi en la vagonoj nenion sxangxas.

Amike
Felix